Allavega.
Ég sá mynd af strigakransi í einhverju tölublaði Vikunnar sem samstarfskona mín kom með í vinnuna (komst að vísu seinna að því að hann var keyptur í Magnolía Design). Þar hékk hann risastór uppi á vegg vafinn svörtum borða og ég bara varð að búa hann til.
Svona var fyrirmyndin sumsé:
Verkefnið byrjaði á símtölum við hinar ýmsu föndurbúðir í leit að rétta kransinum. Fyrir mér á hugtakið "go big or go home" nánast alltaf við þegar ég tek mér eitthvað fyrir hendur svo að kransinn átti að verða stór. Mjög stór. Þannig að ég endaði á að koma við í Blómaval og kaupa stærsta kransinn sem þær áttu til þar, sem venjulega er ætlaður fyrir jarðarfarir. Strigann fékk ég síðan gefins í Kaffitár, mæli með að áhugasamir tékki á því. Mæli líka með að þvo strigann fyrir notkun. Ekki í baðkari samt því það er frekar subbulegt.
Þegar ég ákvað síðan seint þennan sama dag (gott ef það var ekki farið að nálgast miðnætti) að henda í þennan krans átti ég náttúrulega ekkert til það sem þurfti til þess að festa strigann á eðlilegan hátt á kransinn. Ég ætlaði upphaflega að líma hann á en fannst það ekki koma nógu vel út svo að ég endaði á að sauma hann á. Með rauðu garni. Meina hey, það er aftan á og það sér það enginn:
Ég klippti strigann í ræmur og saumaði þær síðan á, eina í einu. Fyrsti búturinn fór á kransinn með endana út þar sem samskeytin sjást hvort eð er ekki en á hinum ræmunum bretti ég alltaf upp á öðrum megin og endaði síðan á einni ræmu með brett upp á báðum megin:
Ég skreytti hann síðan með tuttugu ljósa glærri seríu og fiðrildum sem ég átti til:
Ég festi síðan á kransinnn band úr striganum svo að það væri hægt að hengja hann upp en í dag tjillar hann fyrir ofan kertaarinninn minn (meira um hann síðar) og er svoleiðis alsæll ásamt eiganda sínum. Hef ekki breytt skreytingunni á honum ennþá en langar samt doldið mikið ennþá í þennan svarta borða. Mögulega verða einhverjar framkvæmdir hvað það varðar gerðar fyrir jól.
Hér eru kransinn og kertaarinninn að kynnast í fyrsta sinn (ég er náttúrulega búin að breyta skreytingunni ofan á arninum að minnsta kosti þrisvar sinnum en eins og áður sagði, meira um það síðar):
Að lokum vil ég þakka fyrir frábær viðbrögð frá ykkur fallega fólk! Það eru að vísu eitthvað vesen með kommentakerfið ennþá en á meðan það er vil ég benda á að það er hægt að like-a færslur :)
Snillingur, æðislega flott! :) Hlakka til að heyra um þennan kertaarinn, lúkkar vel!
ReplyDeleteKv. Sandra
Takk fyrir :D
ReplyDelete